تفسير بعض العبارات الشامية

موضوع: تفسير بعض العبارات الشامية 7/11/2010, 6:14 pm

1-شو بدك بطول السيرة :
جملة محشورة داخل قصة يزيد عدد كلماتها عن 873465873426 كلمة بسسسس سسسسسسسسسس

2-بدك الصدق والا ابن عمه ::
مقدمة لكذبة من الحجم العائلي

3-وماشفنالك إلا..
موسيقى تصويرية قوتها 7.9 على مقياس ريختر لقصة سخيفة

4-وما كذبت خبر ::
عبارة لنفش العضلات وبداية لكذبة ورسم بطولات ما حصلت إلا بالخيال

5-انت لسا ما بتعرفني :
تقال عندما يشعرالمتكلم انه تبهدل وانمسحت بكرامته الارض

6-الله يستر عليها :
تقال بعد نهاية كل قصة تم فيها نشر غسيل جميع بنات الحارة وصديقات بنات الحارة

7-اشتهيناك تكون معنا ::
تقال لحرق أعصاب المستمع واذلال شعوره

8-أنا، لا تواخذني بهالكلمة ::
مصطلح يهيؤك نفسيا لسماع مسبّة ولكن بطريقة مؤدبة

9-أنا والله مو فارئة معي :
تدل على اهتمام المتكلم حتى الموت بالموضوع

10-سيدي ما علينا :: نهاية الحديث البايخ الذي كان يتكلم فيه على غيره بما لا يخصه

11-عيّن خير :
بعبارة أخرى ....انسى الموضوع

12-لا يروح فكرك لبعيد :
يعني طنّش عن كل البلاوي اللي خبرتك عليها

13-والله لو عرفان ما كنت تركتك :
عبارة لتسفئو منّيّة ببلاش فوق الكمّ اللي أكلو

بدك الصدق ولا ابن عمه
حلوة عنجد حلوة